අගමැති පත්කිරීමට එරෙහිව තරුණ අරගලකරුවන් ඉරාක පාර්ලිමේන්තුව වටලයි! ආරක්ෂක අංශ සහාය දෙයි!

0
65

ඉරාකයේ පෙළපාලිකරුවන් දහස් ගණනක් ඉරානයේ පිටුබලය ලබන පක්ෂ විසින් අගමැතිවරයකු පත් කිරීමට එරෙහිව විරෝධය දැක්වීම සඳහා බැග්ඩෑඩ් හි පාර්ලිමේන්තු ගොඩනැගිල්ලට කඩා වැදී ඇත.

මෙම විරෝධතා හමුවේ බදාදා දිනයේදී අගනුවර අධි ආරක්ෂිත හරිත කලාපයේ පිහිටි පාර්ලිමේන්තුවේ කිසිදු නීති සම්පාදකයෙකු සිටියේ නැත.

ගොඩනැගිල්ල තුළ ආරක්ෂක හමුදා පමණක් සිටි අතර ඔවුන් විරෝධතාකරුවන්ට පහසුවකින් ඇතුළු වීමට ඉඩ සලසන බවක් පෙනෙන්නට තිබුණි.

ඉරාන ගැති අගමැති අපේක්ෂකයා වන හිටපු අමාත්‍යවරයකු සහ හිටපු පළාත් ආණ්ඩුකාරවරයකු වන මොහොමඩ් ෂියා අල්-සුඩානිගේ අපේක්ෂකත්වයට ඔව්හු විරෝධය පළ කරති.

අගමැති Mustafa al-Kadhimi විරෝධතාකරුවන්ගෙන් ඉල්ලා සිටියේ හරිත කලාපයෙන් “වහාම ඉවත් වන ලෙස” ය.

“රාජ්‍ය ආයතන සහ විදේශ දූත මණ්ඩල ආරක්‍ෂා කිරීමටත්, ආරක්‍ෂාවට සහ සාමයට සිදුවන හානිය වැලැක්වීමටත්” ආරක්‍ෂක අංශ කටයුතු කළ යුතු බවට ඔහු නිවේදනයක් නිකුත් කරමින් අනතුරු ඇඟවීය.

ඉරාකයේ 2021 ඔක්තෝම්බර් මැතිවරණයෙන් අල්-සද්ර්ගේ කණ්ඩායම ආසන 73ක් දිනා ගත් අතර එය ආසන 329කින් යුත් පාර්ලිමේන්තුවේ විශාලතම කන්ඩායම බවට පත් විය.

එහෙත් ඡන්දය ප්‍රකාශ කිරීමෙන් පසු නව රජයක් පිහිටුවීම සඳහා වූ සාකච්ඡා ඇනහිට ඇති අතර අල්-සදර් දේශපාලන ක්‍රියාවලියෙන් ඉවත් වී ඇත.

LEAVE A REPLY

Please enter your comment!
Please enter your name here